Jólagjöf fyrir yngsta liðið

Dóri Pella Svili og Agnes Brá mágkona voru að gefa út stórskemmtilegan disk - lesiði þetta:

"Kæru vinir og ættingjar 

Við erum að gefa út geisladisk fyrir börn og fullorðna sem nefnist Bíum bíum. Diskurinn inniheldur 24 vögguljóð, gömul og ný, sem Dóri útsetti fyrir spiladós og eru spiluð sem slík. Diskurinn kostar 2000 kr og fæst
til að byrja með hjá okkur og í Markaðnum hjá Dóra og Konna niðrí bæ (Egilsstaðir). Við sendum hann heim að dyrum fyrir ykkur lengra stödd í burtu :)

Hugmyndin kviknaði að sjálfsögðu eftir fæðingu Eyvindar en hann eins og mörg börn róast við söng spiladósarinnar. Það er einhver dulúð og ró sem kemur yfir mann þegar hlustað er á fallega, einfalda laglínu, spilaða á þennan hátt. Diskurinn er algjörlega framleiddur af okkur og í heimabyggð.

Íris Lind, listakona og frænka, myndskreytti og Villi, listamaður og frændi, hannaði útlitið.

Hér fyrir neðan er linkur á kynningarmyndband sem sýnir útlit disksins og hvernig hann hljómar. Lagið sem hljómar undir heitir "Til afa" og er eftir Dóra.

http://www.youtube.com/watch?v=tcKPURiCEFk

Bestu kveðjur Dóri&Agnes"

Ef þið viljið nálgast snilldina er emailið hans Dóra - [e-mail] og síminn 8612450

Góðar stundir. 

:)

Alltaf hef ég haldið upp á þennan dag :)

Haldið upp á fullveldisdaginn

Rúv...

Þá er það búið - þegar sauðirnir sem ráða í Efstaleitinu eru búnað loka Svæðisstöðvunum getiði tekið slagorðið "útvarp allra landsmanna" og lagt því í aftursætið á jeppanum sem Páll útvarps"stjóri" keypti fyrir afnotagjöldin mín, ekið því út á granda og hent því í sjóinn...

 Þetta er enn eitt frábæra útspilið í þessu einkarekna rugli sem Páll virðist vera með - ef ykkur finnst ég vera harður við Palla útskýriði þá af hverju hann les sjálfur fréttir um sjálfan sig á tvöföldum launum meðan landsbyggðin er klippt út úr myndinni með einu pennastriki. Segiði mér hvernig hann getur krafið G.Pétur um að skila viðtali sem hann á sjálfur samkvæmt höfundarrétti - og síðan lesið sjálfur frétt um það um kvöldið!

Ég er að borga afnotagjöld fyrir þetta rugl!

Ég veit að það er veður í Reykjavík - yfirleitt rigning -  og veit að það er umferð í Reykjavík - Ég hlustaði á útvarpsmenn tala stanslaust um það fyrstu 16 ár ævi minnar! Vælandi yfir rigningu þegar ég var í 20 stiga hita í heyskap - lofandi sólina þegar var bylur á Austurlandi - þetta var hægt að losna við klukkara á dag þegar Svæðisútvarpið sagði manni eitthvað sem skipti máli fyrir þá sem ekki búa fyrir sunnan. Nú er það endanlega búið og í mínum huga munurinn á Rúv og Bylgjunni orðinn enginn - Nema Bylgjan er ekki rekin fyrir peningana okkar...

 

 

700 milljóna sparnaður hjá RÚV

Borðtennis,

Fyrir mann sem er eiginlega alltaf sammála síðasta ræðumanni var þetta ekki góður dagur í sjónvarpinu!

hehehe... 

Hugmyndir?

Ég var að horfa á þetta myndband... Ég mæli ekki með því. 

Þessir þrír siðlausu hugleysingjar sem lúberja jafnaldra sinn eru greinilega á góðri leið með að verða handrukkarar og hasshausar framtíðarinnar.

Og hvað er til ráða? Löggan er að spjalla við þá um hvað þeir gerðu... Það er reyndar til á vídeói...

Foreldrar þeirra eru greinilega ekki alveg með stjórn á þessu - þetta er ekkert illa meint en ef þeir eru að lesa þetta þá samhryggist ég þeim með að hafa misst boltann...

Kannski kemur kæra út úr þessu - fjársekt, sem væri reyndar ágætt fyrir fórnarlambið en ekki þá sem þeir ræna til að eiga fyrir sektinni. Síðan er náttúrulega mögulegt að þeir fari inn fyrr en síðar - kannski á Hraunið þar sem þeir geta lært glæpafræðin almennilega og komið út skipulagðari.

Hvað er þá það skársta sem hægt er að gera? Senda þá í sveit í Mjóafjörð eða eitthvað? Láta þessa krakka lyfta böggum og moka flór þangað til þeir læra mannleg samskipti? Verst að bændur hafa líklega eitthvað annað með tímann að gera en ala upp krakkafífl að sunnan...  

Einhverjar hugmyndir? 

 

Árásarmenn í skýrslutöku

Að vita hvenær er nóg komið

Davíð fór á kostum í þessari blessuðu ræðu....

sumt var fyrirsjáanlegt - "Jón Ásgeir er evil"... 

 Hann náði líka að benda á eiginlega alla sem hægt var að benda á þegar kemur að bankahruninu og segja "Þeim að kenna". 

Ríkisstjórnin hlustaði ekki, fjármálaeftirlitið gerði ekkert, bankarnir lugu, allir eru vondir við mig...

Það eina sem vantaði var einhverskonar ábyrgð á þætti seðlabankans í þessu öllu. Hún virðist ekki vera til staðar í heiminum sem Dabbi býr í. Afsakið að ég skilji þetta ekki en ég hélt að seðlabankinn (skrifist alltaf með litlum staf) væri "banki bankanna" hann réði vöxtum og amk. einhverjum lánum til hinna bankanna?

En ég hlýt að hafa rangt fyrir mér - þetta er öllum að kenna - nema Davíð... 

Flott framtak!

Það er alltaf gaman að fara á útgáfutónleika, hvað þá í höllinni... hehe (fyrir hörðustu nöldurseggina og leiðindarpúkana er þetta svokallað "kaldhæðið grín" sem ber ekki að taka sem stríðsyfirlýsingu (grínið vitnar til ummæla borgarstarfsmanns um styrk-óskar Bubba))  :) - 

Ég hefði reyndar mest verið til í að sjá HAM en ég komst ekki - svakaleg tónleikaljómsveit, ég fæ ennþá gæsahúð þegar ég hugsa um Gauksgiggið 2001. Til hamingju þið sem voruð þarna í gær! 

„Hlýleg“ stemmning í Höllinni

Af hverju?

Af hverju eru nýju bankastjórarnir með næstum 2 millur á mánuði?

Af hverju eru nokkurnveginn allir stjórnendurnir sem settu bankana á hausinn ennþá að vinna í bönkunum?

Af hverju erum við að setja okkur á hausinn og selja sál okkar til IMF þegar eignirnar eiga að duga fyrir ICESAVE... Erum við í alvöru að taka lán  - til að eiga gjaldeyri  - til að setja krónuna á "flot"  - til þess eins að horfa á hana taka Titanic á þetta með allan peninginn sem við fengum að láni með sér? - og eyða svo restinni af ævinni í að borga þetta rugl aftur með þessa IMF mafíósa yfir okkur?

Af hverju tala ég alltaf um "okkur" - ég vil ekkert með þetta lið hafa - ég er ósáttur við allt sem það hefur gert - og þá staðreynd að það er harla lítið... 

Af hverju erum við ekki að taka upp annan gjaldmiðil eins og hagfræðingakallarnir lögðu til um daginn? - Eitthvað segir mér að hagfræðingar viti meira um þetta en dýralæknar...

Af hverju var ég fullur á virkum degi.. Af hverju mætti ég ekki í tíma... 

Af hverju mæta ekki allir íbúar RVK og nágrennis á Austurvöll til að mótmæla þessum fáránlega farsa - ég ætla - sjáumst þar... 

 

 

OLÍA!

Tekið úr frétt á Visir.is...

"Vegna olíuleitar í Færeyjum og nýrra vísindakenninga um tengsl olíulinda og eldvirkra svæða hafa sex alþjóðleg olíufélög nýlega sent sérfræðinga til rannsókna á Íslandi. Þá eru að fást nýjar vísbendingar með rannsókn Bryndísar Brandsdóttur á hafsvæðinu milli Kolbeinseyjar og Ægishryggs og rannsókn Olgeirs Sigmarssonar á fjallinu Hvítserk á Austurlandi. Þar hafi fundist zirkon-krystallar, sem séu miklu eldri heldur en elsta berg á Íslandi. Þeir séu það gamlir að þeir hljóti að vera úr meginlandsskildinum.

Þetta séu vísbendingar um að meginlandsskjöldurinn sé undir Borgarfirði eystra og ef hann sé samhangandi við Drekasvæðið ætti hann að teygja sig alla leið þangað. Þetta segir Ármann auka líkurnar á olíu mun nær Íslandi og jafnvel undir landinu. Úr því að sérfræðingar telji líklegt að olía finnist í Færeyjum sé mjög líklegt að það sama gildi um Ísland. Úr því fáist ekki skorið nema með rannsóknum." 

 Hvaða! Erum við að tala um að Bogginn verði loksins réttmæt höfuðborg þessa skers? 

Bjarni Bjarni Bjarni...

Ég ætlaði að reyna að skrifa eitthvað fyndið um Email-sendingar Bjarna framsóknarmanns en ég get bara ekki ákveðið hvar ég á að byrja - ég varpa þess vegna boltanum yfir á Heimi sem er mun betri penni en ég - go nuts :)