Rúv...

28.11.2008 | 20:18

Þá er það búið - þegar sauðirnir sem ráða í Efstaleitinu eru búnað loka Svæðisstöðvunum getiði tekið slagorðið "útvarp allra landsmanna" og lagt því í aftursætið á jeppanum sem Páll útvarps"stjóri" keypti fyrir afnotagjöldin mín, ekið því út á granda og hent því í sjóinn...

Þetta er enn eitt frábæra útspilið í þessu einkarekna rugli sem Páll virðist vera með - ef ykkur finnst ég vera harður við Palla útskýriði þá af hverju hann les sjálfur fréttir um sjálfan sig á tvöföldum launum meðan landsbyggðin er klippt út úr myndinni með einu pennastriki. Segiði mér hvernig hann getur krafið G.Pétur um að skila viðtali sem hann á sjálfur samkvæmt höfundarrétti - og síðan lesið sjálfur frétt um það um kvöldið!

Ég er að borga afnotagjöld fyrir þetta rugl!

Ég veit að það er veður í Reykjavík - yfirleitt rigning - og veit að það er umferð í Reykjavík - Ég hlustaði á útvarpsmenn tala stanslaust um það fyrstu 16 ár ævi minnar! Vælandi yfir rigningu þegar ég var í 20 stiga hita í heyskap - lofandi sólina þegar var bylur á Austurlandi - þetta var hægt að losna við klukkara á dag þegar Svæðisútvarpið sagði manni eitthvað sem skipti máli fyrir þá sem ekki búa fyrir sunnan. Nú er það endanlega búið og í mínum huga munurinn á Rúv og Bylgjunni orðinn enginn - Nema Bylgjan er ekki rekin fyrir peningana okkar...

	700 milljóna sparnaður hjá RÚV
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ef RÚV er einkarekið, þá er ég Elvis Presley.

Ásgrímur Hartmannsson, 28.11.2008 kl. 21:37

Alveg týpískt. Allt skorið niður við trog áður en hróflað er við ofurlaunum toppanna. Þetta er allsstaðar svona og verður alltaf svona meðan við erum góð og hlýðin og kjósum sömu gömlu flokkana aftur og aftur. Passa upp á sjálfa sig, og svo kemur skríllinn á eftir. Sjá nýjar tillögur á http://www.islandshreyfingin.is/?i=2&b=6,291&offset=&offsetplace=&expand=

Sigríður Jósefsdóttir, 28.11.2008 kl. 23:39

Ég er ekki kátur með þessar breytingar. Ég tel að Ríkisútvarpið hafi menningarlegu hlutverki að gegna og þjónustu við landið allt.

Þetta er frábær stofnun, en ég held að það sé nauðsynlegt að gera samt breytingar.

Þær eru að fella niður innheimtudeildina og semja við banka um innheimtu auglýsinga og dánartilkynninga.

Taka afnotagjöldin í gegnum skattinn.

Það var nauðsynlegt að skera niður íþróttadeildina. Gera svæðisútvarpsstöðvarnar að fjárhagslega sjálfstæðum litlum einingum, með samstarfi við samtök sveitarfélaga.

Útvarp Egilsstaðir gæti verið flott eining með svona 10 til 15 störfum.

Það er svo margt flott hjá Rúv í dag, eins og Útsvar og Kastljós og fleira.

En nóg að sinni.

Það verður kannski mótmælafundur á Austurlandi þegar veðrið gengur niður?

Jón Halldór Guðmundsson, 29.11.2008 kl. 00:02

Það er náttúrulega fáránlegt ef ríkið er í samkeppni við einkareknar stöðvar um auglýsingar.

Ég ítreka:

Það er náttúrulega fáránlegt ef ríkið er í samkeppni við einkareknar stöðvar um auglýsingar.

Innlend dagskrágerð, barnaefni og fullt af öðru efni er fjármögnuð af ríkinu. Okkur.

Svo er stöð tvö og skjárinn. Hvaða framlög fá þessi félög frá ríkinu?

Er samkeppnisstaðan jöfn?

En með G.Pétur, var hann í vinnu hjá RÚV þegar hann tók þetta viðtal? Hver tók myndirnar? Á hvaða myndavélar?

Jón Á Grétarsson, 29.11.2008 kl. 00:46

Elvis Costello þá?

Rúv er skrýtin stofnun - á fjárlögum með milljarða af peningunum okkar og samt kallað einkavætt. Æði margt sem betur mætti fara þar á bæ. En varðandi G. Pétur, þá fannst mér forsætisráðherrann ekki vera sá sem kom verst út úr þessu viðtali eða málinu öllu.

Ingvar Valgeirsson, 29.11.2008 kl. 15:16