Nýtt lag frá Á móti sól!

Á morgun, fimmtudaginn 16. október, er komið að því að við sendum frá okkur nýtt lag.

Lagið heitir Sé þig seinna og er heldur léttara en síðustu 2 lög okkar, enda ekki við hæfi á þeim erfiðu tímum sem yfir þjóðina ganga um þessar mundir að drekkja þjóðinni í tregafullum ástarsöngvum (sjá tilskipun G.Hårde nr. 666 um tilfinningaþrungnar tregablúsballöður).

Lagið er eftir Heimi og höfundurinn sjálfur mun á morgun gera sér ferð til höfuðborgarinnar þar sem lagið verður frumflutt í þætti Ívars Guðmundssonar á Bylgjunni, en hefð hefur skapast fyrir því að Ívar frumflytji lög hljómsveitarinnar.

Frá og með morgundeginum má heyra lagið hér á síðunni og væntanlega einnig inn á www.tonlist.is   

Lagið var tekið upp í Lundgård studios í Danmörku í júní og júlí og Sýrlandi í september og október. Hljóðblandað í Stúdíó Sýrlandi.

Stjórn upptöku annaðist Baldvin A B Aalen.

Athugasemdir

[Gígja (IP-tala skráð) 15.10.2008 kl. 13:32]

Spennandi.   Ekki veitir af að fá eitthvað hressilegt núna.. þar sem öll þjóðin er í frekar þung þessa daganna...

Bið spennt.

[Bergljót Hreinsdóttir, 15.10.2008 kl. 16:50]

Hlakka til að heyra þetta lag....

Flott hjá ykkur að koma með eitthvað skemmtilegt núna....

[Ingvar Valgeirsson, 15.10.2008 kl. 17:38]

Ussuss, svona gæjar. Auka á viðskiptahallann með því að leita utan í hljóðver, þegar nóg er af þeim um allar sveitir landsins.

En gott mál að koma með almennan hressleika á öldur ljósvakans, þarf jú meira af slíku.

Hvar eru Greifarnir þegar maður þarf á þeim að halda? Nú, eða Stuðkompaníið?

[Johann Trast Palmason, 15.10.2008 kl. 18:36]

ekki veitir af krepputonlist til að dreifa huganum væri ég til í að hlusta á pólitiska ástarsöngva lika hehe

[Linda Linnet Hilmarsdóttir, 16.10.2008 kl. 06:56]

Yndislegt Knús á ykkur öll ....... Munið að knúsið kostar ekkert

       Kv frá mér, til ykkar........