Það hefur enginn unnið ennþá

Þá er þessum kafla sögunnar lokið og ekki laust við að maður hafi verið frekar spenntur í gær.  

 Það sem stendur upp úr kosningasjónvarpinu er tvímælalaust Tortímandinn (Bjarni Ben) sem hélt hrokafyllstu ræðu sem maður hefur séð lengi: "Þetta lið sem hefur snúið baki við flokknum - Við munum finna það - elta það uppi - og sjá til þess að það kjósi okkur næst! I´ll be back" 

Síðan var reyndar gaman að sjá Steingrím lesa yfir Bjarna varðandi styrkveitingar þegar leiðtogarnir sátu allir saman á Rúv - á tímabili var þetta eins og foreldrar að lesa yfir sonum sínum sem höfðu læðst í vínskápinn. Priceless...

Nú tekur við að ákveða hver ræður hverju og sýna þessum 30 nýju þingmönnum hvar þeir mega leggja - vonandi verður stjórnkerfið orðið starhæft innan árs og eitthvað gert í málunum - væri líka fínt ef stjórnarandstaðan hætti í fýlu fyrr en síðar og hjálpaði til við að þrífa upp skítinn eftir sig... 

Það er búið að kjósa hverja við viljum vinna fyrir okkur á þessum hundleiðinlegu tímum - þetta fólk bar sig eftir því að redda landinu - sjáum hvort þau geta það... 

Athugasemdir

[Brattur, 26.4.2009 kl. 20:00]

Ég tók einmitt eftir þessar setningu hjá Bjarna... ótrúlega ósmekkleg... Sjálfstæðisflokkurin telur sig eiga  "þetta lið" og nú skal það bara hundskast heim til sín...

[Guðmundur St Ragnarsson, 26.4.2009 kl. 22:25]

He he góður Magni. "We will find you, we fill hunt you down - and make sure they´ll vote for us the next time". Þetta er eins og lína í thriller trailer :)

[Heimir Tómasson, 27.4.2009 kl. 01:28]

Þetta jaðrar við að lykti af McCarthy-isma hjá honum BB King...

[Rúnar G. (IP-tala skráð) 27.4.2009 kl. 07:43]

Já, skemmtileg nálgun hjá sjálfstæðismönnum. Í stað þess að segja "við gerðum mistök og munum gera okkar allra besta til að bæta okkur þangað þið takið okkur í sátt" er tónninn meira svona "við munum finna ykkur liðhlaupana og....."

[María Guðmundsdóttir, 28.4.2009 kl. 19:38]

sjálfstædismenn alltaf jafn smekklegir  halda bara áfram ad gera uppá bak ..verdi theim ad thvi.

Já vonandi tekst bara nýjum rádamønnum ad snúa vørn i sókn, thad vona jú allir held ég, nema kannski sjálfstædismenn..thad myndi jú ekki hugnast theim ad vinstri stjórn gæti reddad einhverju....

[Fjóla (IP-tala skráð) 29.4.2009 kl. 10:12]

æi voða eruð þið eitthvað viðkvæm. Held að Sjálfstæðismenn séu búnir að væla nógu mikið undanfarnar vikur utan í fólki og biðjast afsökunar. Ég hefði haldið að það væri t.d komin tími til að heyra í eitthvað af þessu "spillta" samfylkingarfólki biðjast afsökunar, þau voru nú þrátt fyrir allt í ríkisstjórn og þar að auki með bankana í sínu ráðuneyti þegar allt fór til helvítis. Við erum öll  á íslandi spillt á einn eða annan hátt. Veit ekki betur en fólki hafi hreinlega verið kennt það undanfarin ár að ekkert sé eins gott eins og sterkt tengslanet, og hvað er það spyr ég?? Það er nú til þess að maður sem þekkir mann sem þekkir mann geti reddað okkur einhverju sem við hefðum líklega ekki fengið ef þessi aðferð hefði ekki verið notuð. Get lofað ykkur að allir flokkar, þar með talin Vinstri Grænir hafa farið aðrar leiðir til þess að fjármagna sig í sínum kosningabaráttum, t.d með að fá fyrirtæki til að setja markaðsefni sín á reikning stílaða á viðkomandi fyrirtæki.  Bjarni Ben er bara flottur og ég er massa ánægð með ræðuna hjá honum. Fannst hann bara góður miðað við afhroðið sem flokkurinn fékk. En þið viljið sjálfsagt frekar sjá olíuborna Jóhönnu ganga á pálmaþökktu gangi eins og Jesús Kristur sjálfur sé mættur á staðinn?? En innganga hennar inn á kosningavöku Samfylkingarinnar var ótrúlega hallærisleg og produceruð. Ég fékk svo mikin kjánahroll að ég þurfti að skipta um stöð.

Ég missti nú alveg af því þegar Steingrímur var að lesa yfir Bjarna varðandi styrkveitingarnar, efast um að ég hafi séð það á sama hátt og þú. Var það sami umræðurþáttur þar sem talað var um "leyniskýrsluna" miklu sem Steingrímur situr sem fastast á og er "leyndarmál dauðans"??? Fyndið hvað allt er oðið mikið leyndó hjá Steingrími núna, þegar hann er farinn að stjórna. Hann sem vill gera allt fyrir opnum tjöldum, hann sem er alltaf að upplýsa þjóðina um hvað hann er að gera allan daginn.  Hvað sem má segja um upplýsingagjöf ríkisttjórnar D og S í haust en þá vissi maður ekki minna þá.  Núna er staðan þannig að maður sér bara fram á dauðan og djöfulinn næstu árin.

Ég segi bara "Guð hjálpi Íslandi"!!!! :-)

Sá sem skrifar hefur verið atvinnulaus síðan í nóvember og hefur ekki fengið vinnu þrátt fyrir að hafa farið í fjöldan allan af atvinnuviðtölum. Sú sem skrifar hefur leitað á náðir kerfisins bæði í ríkisstjórn D og S og í ríkisstjórn S og VG og það er öllum alveg anskotans sama virðist vera. Það gildir því ekkert annað en að bjarga sér sjálfur hvernig sem maður fer að því.

[Egill (IP-tala skráð) 30.4.2009 kl. 09:34]

Sæl verið þið

Mér finnst alltaf jafn fyndið að heyra fólk reyna að ráðast gegn Sjálfstæðisflokknum. Síðan flokkurinn var stofnaður árið 1929 þá hefur hann verið stærsti flokkurinn í öllum kosninum þangað til núna.

Í fyrsta lagi var Bjarni Ben ekki í forsvari fyrir flokkinn þegar þessir styrkir voru teknir inn þannig að ekki er hægt annað en að hrósa honum fyrir að skila styrkjunum. Það besta sem hann gat gert í stöðunni.

Það er þrennt sem veldur því að Sjálfstæðisflokkurinn varð ekki stærstur í nýliðnum kosningum:

1. Margir kenna flokknum um bankahrunið.
2. Styrkveitingamálið sem kom mjög illa við flokkinn og er óverjanlegt.
3. Það að flokkurinn hafi verið að á móti Evrópusambandinu.

Um fyrsta liðinn vil ég benda fólki á að það er alheimskreppa. Hún er í Bandaríkjunum, Evrópusambandinu og meira að segja í Asíu. Það fólk sem heldur því fram að Sjálfstæðisflokkurinn hafi valdið þessu hefur líklega mun meiri trú á flokknum en ég. Ef flokkurinn getur valdið alheimskreppu þá er það fátt sem hann ætti ekki að geta gert. Meira að segja átrúnaðargoðið ykkar, Obama, benti á það í ræðu að enginn hefði búist við því að hrun á fasteignamarkaðnum í Florida gæti valdið bankahruni á Íslandi eins og raunin sýndi.

Um annan liðinn er fátt annað að segja en að Geir skorti greinilega mikla dómgreind þegar hann tók við þessum styrkjum. Nú er ég ekki stuðningsmaður Guðlaugs Þórs og hann hefur verið gagnrýndur í þessu samhengi. En ég get þó sagt honum til varnar að hann hafði ekki vald til þess að veita þessum styrkjum viðtöku og ábyrgðin því Geirs og fyrrum framkvæmdastjóra, Andra.

Um þriðja liðinn má segja það ég er ánægður með að flokkurinn hafi staðið fastur á sínu og verið á móti Evrópusambandinu. Margir sjálfstæðismenn sem trúa ekki á jafnaðarstefnuna kusu Samfylkinguna vegna þess að þeir vilja sjá aðildarviðræður. Margir vina minna gerðu nákvæmlega þetta, þeir tjáðu mér þó einnig að þeim hugnist ekki að setja X við S aftur og mun það í framtíðinni fara framan við D-ið. Það er samt náttúrulega bundið þeim skilyrðum að flokkurinn taki almennilega til.

Þannig að, ég myndi vilja sjá annan flokk gera það sama og Sjálfstæðisflokkurinn hefur gert. Taka almennilega til í forystunnni og hefja gagnrýnið uppbyggingarstarf. Við Sjálfstæðismenn höfum núna náð botninum og mér finnst það raunar bara ánægjulegt. Nú hefst skemmtilegur tími uppbyggingar og innan fárra ára verðum við orðnir stærstir á ný. Fyrr mun ekki Ísland rísa aftur upp úr þessum öldudal fyrr en að Sjálfstæðisflokkurinn er kominn við stýrið. Meira að segja hann Bubbi er búinn að átta sig á þessu og þá er mikið sagt.

Takk fyrir.

[Guðrún Anna Jónsdóttir (IP-tala skráð) 30.4.2009 kl. 14:16]

Mikið voðalega eru þetta miklar langlokur hjá Agli og Fjólu hér að ofan. Þurfa þau að afsaka sig sérstaklega...eða tala þau fyrir flokkinn?

 Ég las þennan pistil síður en svo sem drull yfir Sjálfstæðisflokkinn sem heild - aðalgrínið voru orð formannsins, sem voru hálf hallærisleg. Hér þarf enginn að vera hörundssár. Og það að Bubbi sé genginn í D...segir einmitt meira en mörg orð..hmmm.

[Númur (IP-tala skráð) 10.5.2009 kl. 15:41]

Það hlaut að koma að því að U2 samdi lag um þig. Magnificent