It was strange glue that held us together...

Það er meira hvað maður verður blankó í hausnum þegar maður ákveður að blogga áður en maður ákveður hvað maður ætlar að blogga um. Ég býst við að það séu allir búnir að fá sig fullsadda á færslum um "ástandið" en hvað getur maður annað en lýst sorg sinni með þennan fáránlega farsa...

Hvað er búið að gera? - ég er ekki að setja fram þessa spurningu til að drulla yfir einn eða neinn - ég er í alvöru að spyrja - Hvað er búið að gera?

Það lá svakalega mikið á að koma stjórnvöldum frá - ég var og er sammála byltingunni - ný stjórn var mynduð sem gerði mikið úr því að Geir og ca. hefðu haft 100 daga til að gera eitthvað en ekkert var gert.

Ok - hvað er búið að gerast síðan? - ég er bara að spyrja sökum þess að ég hef lítið séð fréttir...

 Mér skilst að þessi sérstaki saksóknari sé ekkert sérstakur - no hard feelings ef hann les þetta en er hann búinn að gera eitthvað? Maður heyrir nýjar og nýjar sögur á hverjum degi um hvernig innan við 1% þjóðarinnar skuldar um 25% af öllu sem við skuldum - hvernig er ekki hægt að finna eitthvað ólöglegt við það?

Af hverju var ekki fengið útlendingar strax til að græja þetta - það hlýtur að vera hægt að eyða pening í að finna glæpónana og taka af þeim peninginn til baka! 

Reyndar kom hugmynd um að afskrifa 20% skulda allra - ég er game! nema hjá þeim sem voru búnir að gera það nú þegar sjálfir auðvitað....

Einhver kom með rök á móti að þeir sem skulda kannski 20 milljarða fái þá 4 afskrifaða.. skiptir það einhverju máli? Er einhver að fara að borga 16 milljarða skuld eitthvað frekar en 20?

En að afkrifa 20% hjá öllum þeim sem hafa aldrei verið með 10 milljónir eða meira á ári í laun? 

Síðan er það nýja skattálagningar planið... Í alvöru? Er þetta ekki frekar seint í rassinn gripið? Er einhver með svona laun lengur? Ef einhver er með ofurlaun á bara að siga þessum saksóknara á hann! 

Klára þetta röfl með því að samhryggjast starfsfólki SPRON. Ég hef í gegnum árin átt í viðskiptum þar og þjónustulundin og almennilegheitin voru alltaf til fyrirmyndar á þeim bænum. Aldrei fannst mér SPRON missa sig í fáránleikanum eins og KB og félagar með sínar 8 metra snúninghurðir og fossum í lobbíinu.

En það þýðir víst ekki að missa móðinn - það eru jú kosningar á næsta leiti og það litla sem ég hef heyrt er að allir flokkarnir ætla að bjarga okkur... Slæmu fréttirnar eru þær að þetta eru flokkarnir sem áttu að passa okkur til að byrja með.... 

Góðar stundir. 

 

 

 

  

 

Athugasemdir

[Ingvar Valgeirsson, 25.3.2009 kl. 11:23]

Ja, hvað er búið að gera...

Fyrst kom ný stjórn. Fyrsta mánuðinn gerðu þau ekkert nema reka Davíð og hina Seðlabankastjórana. Það var svo mikilvægt því að það var ekkert hægt að gera fyrr en Davíð væri farinn. Svo þegar Davíð fer ráða þau einhvern Norðmann (og þá meina ég bókstaflega bara einhvern Norðmann) í trássi við lög. Norðmaðurinn er svo talnaglöggur að hann man, að eigin sögn, ekki hvenær honum var boðið djobbið - nema náttúrulega að það sé alltaf verið að bjóða honum að vera seðlabankastjóri um allan heim, hver veit?

Svo kemur frumvarp um að banna strípidans, sem var greinilega ekki hægt að bera fram þegar Davíð var í Seðlabankanum.

Svo hafa þau sagt að þau ætli að slá skjaldborg um heimilin og komið með fleiri frasa, en enginn veit hvað þau meina. Allra síst þau sjálf. Þetta hinsvegar hljómaði voða vel.

Jú, svo voru fleiri bankar yfirteknir. Reyndar höfðu þeir staðið af sér verri vinda en þá sem nú blésu, en fyrst það er búið að yfirtaka hina er um að gera að hirða restina.

Þetta er svona sirka það sem ég man til þess að hafi gerst...

[Bjarni Kjartansson, 27.3.2009 kl. 23:16]

strange brew

var einu sinni kyrjað með trukk og fíling í Glaumbæ.

do wqt is inside of you

Mibbó