Flugvöllur

Nú sem endranær er verið að tala um flugvöllinn í Vatnsmýrinni - langaði bara að vera með.

Nú hef ég reynslu af þessum blessaða velli bæði sem fulltrúi landsbyggðarpakksins sem kemur þetta ekkert við - eins og sumir af 101 liðinu virðast halda. Og hinsvegar sem íbúðareigandi og íbúi í Skerjafirði í 7 ár - fyrir þá sem ekki vita þá er það við hliðina á flugbrautinni.

Fyrst má nefna að völlurinn á Sandskeiðinu er í uppbyggingu þannig að það er jafnvel hægt að fara með litlu rellurnar þangað - mér finnst reyndar vingjarnlegt að hafa þær sveimandi í góðu veðri 

 Rökin sem báðar hliðar hafa verið að nota eru náttúrulega oft á tíðum frábær - fyrst ber að nefna hvað þetta er gott byggingarland...

Þetta er mýri! Og fyrir utan það þá veit ég ekki alveg hvernig einhverjum dettur í hug að þetta hroðvirknislega illa skipulagða svæði sem Vesturbærinn er geti hugsanlega höndlað meiri umferð! Sá hinn sami hefur greinilega ekki hangið á Miklubrautinni um 5 leitið.

Má ég frekar leggja til að allt sem tengist Laugaveginum og Hverfisgötunni verði jafnað við jörðu og byrjað aftur.

Ég er alveg hlynntur verndun á húsum og allt það - verndum bara frekar eitthvað sem lítur ekki út eins og Beirút - kommon - þeð er ekki eins og það sé eitthvað merkilegt við fúna hjalla sem eru varla eldri en amma mín.

Síðan eru það hugmyndirnar um að færa flugið til Keflavíkur og setja lest. Eruði klikkuð? Það er ekki eins og þetta sé JFK sem við erum að tala um! Ég bjó við hliðina á vellinum og varð varla var við það - það var meira ónæði af randaflugum! Það búa 300.000 manns á þessu skeri og ef á að lengja flugleiðina til höfuðstaðarins um helming með því að fara fyrst til KEF þá verð ég fyrst pirraður - það er ekki nóg með að það kosti um 20.000 að fara til Akureyrar heldur á maður að fara til Keflavíkur fyrst! 

Látiði völlinn í friði og reyniði að laga restina af þessu foxljóta svæði sem Reykjavík er á köflum fyrst. 

Það skal síðan tekið fram að ég elska höfuðborgina og finnst hún gullfalleg - bara ekki öll

 

Athugasemdir

[Hulda Proppé, 27.5.2008 kl. 15:28]

Ég gæti ekki verið meira sammála þér. Ég bjó sjálf í Vesturbæ Kópavogs í 15 ár, undir einni af flugleiðunum, og þetta var ekkert nema notalegt. Maður var steinhættur að taka eftir þessu nema það væru extra stórar vélar á ferð. Hlusta ekki á svona vitleysu. Það er enginn munur á kúk og skít og tími til kominn að menn fari að leita lausna annars staðar.

[Guðmundur Rafnkell Gíslason, 27.5.2008 kl. 15:36]

Góður pistill! Minn bara í góðu skapi! Ég hef ekki búið í Skerjafirði en er að öðru leyti sammála.

[Steingrímur Helgason, 27.5.2008 kl. 22:22]

Ég hafði óskaplega gaman af því að lesa þessa grein, enda meðvirknast í flestu með skoðanir & niðurstöðuna í færslunni.

Gerði náttla af skömm minni að senda slóðina inn á hana Mörtu vinkonu mína, sem að hefur dáldið andhverfa skoðun á málinu.

Í átjánda sinn !

http://martasmarta.blog.is/blog/leshringur/entry/551027/

Lest ef þú hefur einhverja nennu til..

[Hanna, 27.5.2008 kl. 23:00]

Frábær pistill hjá þér :)  Skratti eru góður penni en ég hef svosem vitað það lengi.

[Björg Árnadóttir, 27.5.2008 kl. 23:44]

Góður pistill. Skil ekki þessi rök með að "aðrar borgir séu ekki með flugvelli innan borgarmarka". Duhhh.... hefur fólk ekkert farið? Fullt, fullt af borgum sem funkera fínt og jafnvel vegna flugvallana!

[Ingvar Valgeirsson, 28.5.2008 kl. 10:20]

Jú, flugvöllinn áfram þar sem hann er. Allavega þykir mér óráðlegt að flytja hann upp á Hólmsheiði. Vil síður hafa flugvöll ofan í ferskvatnsbrunnum borgarbúa.

En með miðbæinn - svolítið fyndið að allir brjálaðir yfir því hvað hann líti illa út. Svo er ráðinn maður í að fara í málið og menn verða enn brjálaðri. Gaman að því.

Svo á Ian Fleming ammæli í dag.

[Gígja (IP-tala skráð) 28.5.2008 kl. 11:34]

Sammála þér með flugvöllinn. Hann á að vera þar sem hann er og alls EKKI flytja hann og hvað þá til Keflavíkur... Come on...Ekki nenni ég að keyra til Keflavíkur til að taka flug til Akureyrar eða til Vestmanneyjar... þá keyri ég bara eða tek flug frá Bakka. 

[Bergdís Rósantsdóttir, 29.5.2008 kl. 16:26]

Heyr Heyr.

[Erna Björk Svavarsdóttir, 30.5.2008 kl. 00:27]

Mikið ofboðslega er ég sammála þér

[Heiða frá Bakka/Hól (IP-tala skráð) 30.5.2008 kl. 08:09]

Ég skil ekki hvernig nokkrum manni datt sá bjánaskapur í hug að flytja flugvöllinn til keflavíkur, ég bý í keflavík en finnst það samt það fáránlegasta í heimi. í fyrsta, öðru og þriðja lagi......þá á landsbyggjðarfólkið að fá eitthvað um þetta að segja....það eru þau sem nota þennann flugvöll. punktur og pasta