af flensu og ferðalögum...

Það er alveg með ólíkindum hvað maður nennir ekki að gera neitt þegar maður er með flensu - það er eiginlega eins og það slokkni á þeim hluta heilans sem sýnir smá hugmyndafræði - en nú er það að baki og eftir stendur bara einhver helvítis hósti sem maður ætlar aldrei að losna við...

 Í síðustu viku var ég að spila ásamt gífurlega fríðu föruneyti í Toronto og er eiginlega of langt mál að fara út í hvað það var afskaplega gaman - það er hægt að sjá video af þessu öllu á youtube fyrir þá sem nenna....

 Í þessari viku er ég síðan að fara á Páskatúr með Á móti sól - þann 8 í röð reiknast mér - og alltaf hlakkar maður jafn mikið til að klifra upp í rútu með þessum drengjum og taka sénsinn á veðri og vindum :)

besta minningin sem ég man eftir úr þessum ferðum er reyndar að standa á brókinni í möðrudal í 24 stiga hita - UM PÁSKA! Það er held ég ekki að fara að gerast núna......

 Sjáumst á Selfossi - Eskifirði eða Blönduósi :)-

Athugasemdir

[Haraldur Bjarnason, 18.3.2008 kl. 22:25]

Sá á vefnum www.skessuhorn.is að þið verðið ekki á Breiðinni á Akranesi eins og áformað var. Leitt að sjá og heyra hvernig komið er fyrir því ágæta húsi sem áður hýsti Hótel Akraness. - Mínir menn á Skaganum verða að leysa þetta mál og kannski þarf bæjarstjórnin bara að horfa til þess sem Héraðsmenn eru að gera með Valaskjálf. Skagamenn eiga nú að kunna að skemmta sér enda í írsku landnámi.