Forgangsröð!

Hvernig hefur rottan það?

"Líðan hennar er eftir atvikum"

"Rottan lést samstundis"

 Það er alltaf tekið fram hvernig bílar eru eftir slys s.b. "Bíllinn er gjörónýtur"

En rottugreyið - hún var amk. með púls... 

Rafmagn fór af er rotta fékk raflost

Loksins smá lífsmark með þjóðinni

Styð bílstjórana heils hugar - mér er drullusama hve margir þurfa að sitja í bílunum og hlusta á útvarpið - ykkur var nær að vera ein í bílnum - ríkið er að fá hvað? helminginn af þessum 12 þúsund sem kostar að fylla bílinn - loksins aðgerðir! RIOT

PS. Bændur - þið erum næstir .. taka Frakka til fyrirmyndar - mæta með skítadreifarana á austurvöll og reis hell!

Bílstjórar hætta aðgerðum

Miðbærinn

Finnst engum öðrum eins og borgin sé gjörsamlega búin að drulla upp á bak varðandi miðbæinn?

Fyrir þá sem hafa ekki komið þangað lengi þá lítur laugarvegurinn og nágrenni út eins og miðbær kabúl nema það er ekki svona mikið veggjakrot í Kabúl - annað hvert hús er að hrynja, eins og sést hefur í fréttum má ekki einu sinni rífa þessa helvítis hjalla fyrr en er búið að ákveða hvað kemur í staðinn - who cares - þetta getur amk ekki versnað...

 Í öðrum fréttum er síðan ekki þverfóta fyrir manna og hundasaur á götunum og fyrir þau ykkar sem hafið ekki farið í miðbæinn á "djammtímum" nýlega - ekki gera það - það er eins og næstum allir íslendingar breytist í hálfvita eftir 12 - brjótandi flöskur og mígandi á allt og alla - sorrý - svona sé ég þetta bara - 

 En þarna erum við líka komin að kjarna málsins að mínu mati - Þó svo að það eina sem borgin hafi gert til að laga ástandið sé að að kaupa tvö ljótustu húsin á svæðinu fyrir 500 milljónir! þá eru það borgararnir sem sjá um umgengnina og veggjakrotið - það eru borgararnir sem gera það að verkum að manni finnst maður ekki öruggur þegar maður gengur um að næturlagi...

 Ég veit að það er allt að fara til helvítis en er ekki kominn tími á að snúa bökum saman og tileinka okkur reglu sem ég er búinn að heyra mjög oft upp á síðkastið ( Nói er á Hálsaskógi stiginu ) 

Öll dýrin í skóginum eiga að vera vinir 

Gleðilega páska

Þá er Páskatúrinn búinn og maður getur farið að agnúast út í ástand krónunnar aftur - Túrinn var stórskemmtilegur, Við lékum á 4 stöðum og skemmtum okkur og vonandi öðrum í leiðinni :)Myndir og video eru á áms blogginu hér til hliðar og meira á leiðinni...Langar síðan að setja eina slóð hérna inn - bara til að vera smá egóisti - mér var bennt á þetta á alnetinu :) 

http://www.youtube.com/user/magnirocks

 ...og nú að reyna að klára páskaeggið á undan Nóa...

af flensu og ferðalögum...

Það er alveg með ólíkindum hvað maður nennir ekki að gera neitt þegar maður er með flensu - það er eiginlega eins og það slokkni á þeim hluta heilans sem sýnir smá hugmyndafræði - en nú er það að baki og eftir stendur bara einhver helvítis hósti sem maður ætlar aldrei að losna við...

 Í síðustu viku var ég að spila ásamt gífurlega fríðu föruneyti í Toronto og er eiginlega of langt mál að fara út í hvað það var afskaplega gaman - það er hægt að sjá video af þessu öllu á youtube fyrir þá sem nenna....

 Í þessari viku er ég síðan að fara á Páskatúr með Á móti sól - þann 8 í röð reiknast mér - og alltaf hlakkar maður jafn mikið til að klifra upp í rútu með þessum drengjum og taka sénsinn á veðri og vindum :)

besta minningin sem ég man eftir úr þessum ferðum er reyndar að standa á brókinni í möðrudal í 24 stiga hita - UM PÁSKA! Það er held ég ekki að fara að gerast núna......

 Sjáumst á Selfossi - Eskifirði eða Blönduósi :)-

snjór og Vopnafjörður

þá erum við strákarnir búnir að vera í Toronto í 2 daga og afskaplega eru innfæddir indælir :) reyndar kom það íslensku strákunum svolítið á óvart þegar var búið að búa okkur undir raganrök í veðurspánni að það snjóaði bara smá - ekkert ves - samt var öllum skólum lokað og svona....

í gærkvöldi fórum við síðan á Horseshoe - sem er Gaukurinn á Canadísku og sáum Major Marker spila - helvíti fínt band og merkilegt fyrir það líka að söngvarinn er vestur íslendingur - hann er ca.210 cm og heitir Lindy Vopnfjörd...

það má bæta því við að honum er illa við mig sökum allra brandaranna sem ég sagði á hans kostnað...

eftir stendur samt að bandið er frábært :)

flugvélar og gulrótarkökur

þegar þetta er skrifað sit ég á La Guardia flugvellinum og bíð eftir flugi - Ferðinni er heitið til Canada þangað sem Vopnarfjörður flutti á einu bretti þarna um árið - ástæðan er nú samt bara að plögga og gera mitt í að fá Canadaliðið til þess að koma í heimsókn til Íslands...

Með mér í för er hinn sauðtryggi meðhjálpari Ómar Berg sem hefur til þessa ekkert lent í neinu veseni að ráði þrátt fyrir að heita Ómar... það er ekki málið í BNA....

meira síðar....

takk fyrir að sjá það

ég er einmitt búnað vera að lyfta fjarstýringunni óvenju mikið :)

Vöðvabúnt vinsælli en Eurobandið?

Ellen er algjörlega drottning spjallþáttanna

ég fór næstum að gráta úr hlátri

Júró og allt það

Þá er langavitleysan búin og búið að finna framlag okkar til júró í Serbíu.

Keppnin var mjög skemmtileg og þrátt fyrir þessa venjubundnu klukkutíma sem fara alltaf í að bíða á rassgatinu var óvenju mikið af skemmtilegu fólki sem tók þátt í þessu til þess að mér leiddist bara ekki neitt allan daginn :)

Birgitta geislaði við hliðina á mér - svo mikið að ég steingleymdi að byrja að syngja :) Flutningurinn tókst að öðru leiti ágætlega að mínu mati - Landsraddirnar traustar og bandið mæmaði sem aldrei fyrr :)

Ég er náttúrulega hundfúll að hafa tapað :) hehe en samt ekki fyrir Spock - Þetta var stórkostllegt atrði sem ég stóð upp fyrir - annars voru tunnurnar í fyrsta og öðru mjög frambærileg atriði og sérstaklega þar sem íslendingar eru með þá grilli í höfðinu að við verðum alltaf að senda "Júróvisjónlag". - við völdum það ábyggilega

Hvaða pæling er það annars? Hafiði horft á þessa keppni? það eru 49 lög eða eitthvað og af þeim eru kannski 3 sem einhver með hálfu viti getur hlustað á! Það hafa komið gullkorn í gegnum árin -meira að segja perlur - Waterloo og allt það -
en það eru líka ca 700 lög sem engum hefur dottið í hug að hlusta á aftur - Júróvisjónlög. það er enginn að fara að segja mér að það sé okkur til framdráttar og sóma að velja alltaf framlagið okkar byggt á því hvað við höldum að sé júrólegast?
Þarna er best að skýra strax frá því að mér þykir voða vænt um Palla og ég sé ekkert að því að fíla júróvisjón -

ég er bara á því að við hefðum átt að senda Spock með vélmennið sitt því það verður helvíti erfitt að sigra þennan kalkún frá Írum!